V0001-23: Artigo 14. Sete do Decreto lexislativo 1/2011. Posibilidade de aplicar ao feito impoñible derivado da acta de notoriedade, o tipo de gravame aplicable na adquisición de vivencias nas parroquias que teñan a consideración de zonas pouco poboadas ou áreas rurais

A consultante está a levar a cabo a inmatriculación dun predio non inscrito. Para iso realizou a correspondente acta de notoriedade, autoliquidando o imposto pola modalidade de transmisións patrimoniais onerosas, ao tipo xeral do 9%. Dito predio consta dunha vivencia e sitúase nunha das parroquias que teñen a consideración de zonas pouco poboadas ou áreas rurais.

CONSULTA
Posibilidade de aplicar ao feito impoñible derivado da acta de notoriedade, o tipo de gravame aplicable na adquisición de vivencias nas parroquias que teñan a consideración de zonas pouco poboadas ou áreas rurais, regulado no artigo 14. Sete do texto refundido das disposicións legais da Comunidade Autónoma de Galicia en materia de tributos cedidos polo Estado, aprobado polo Decreto lexislativo 1/2011, do 28 de xullo (TRTCG), e a posible devolución por ter autoliquidado ao tipo xeral.