O Consello da Xunta nomea director xeral de Simplificación Administrativa e do Patrimonio a José María Barreiro Díaz

• É licenciado en Dereito e ata o momento ocupaba o posto de director xeral da Función Pública

Santiago de Compostela, 22 de abril de 2024.- O Consello da Xunta aprobou hoxe o nomeamento de José María Barreiro Díaz como Director xeral de Simplificación Administrativa e do Patrimonio na Consellería de Facenda e Administración Pública.

Nado na Coruña en 1967, é licenciado en Dereito pola Universidade de Santiago de Compostela e funcionario do corpo superior da administración xeral, escala de letrados da Xunta de Galicia desde o ano 1998.

Desde 2009 viña exercendo o cargo de director xeral da Función Pública. Con anterioridade, desempeñou o posto de Letrado da Xunta con destino como Letrado-Xefe na Asesoría Xurídica do Servizo Galego de Saúde (Sergas) en Santiago de Compostela desde 2002 ata 2009 e tamén o mesmo posto en diversos destinos, en servizos centrais e servizos periféricos, desde 1998 ata 2002.