Galicia pecha 2021 como a 3ª comunidade con menor ratio débeda/PIB tras reducir un punto nun ano
- A ratio débeda/PIB de Galicia baixou o ano pasado ata o 18,5% do PIB
- Galicia pechou o exercicio cun diferencial de débeda coa media autonómica de 7,4 puntos
- Cada galego debe 2.273 euros menos que a media autonómica
Santiago de Compostela, 31 de marzo de 2022.- Galicia pechou o ano 2021 como a terceira comunidade autónoma de réxime común con menor ratio débeda/PIB, logo de reducir este indicador un punto en relación ao ano anterior, tal e como mostran os datos de débeda segundo o Protocolo de Déficit Excesivo (PDE) correspondentes ao cuarto trimestre do ano publicados hoxe polo Banco de España.
En concreto, a ratio débeda/PIB de Galicia baixou ata o 18,5%, en niveis prepandemia, fronte ao dato do 19,5% do peche do ano 2020. Desta forma, o organismo regulador volve situar á Comunidade Autónoma galega como a terceira de réxime común con menor endebedamento de toda España.
Cos datos a peche de exercicio, Galicia ten un diferencial coa media autonómica que é 7,4 puntos inferior á ratio débeda/PIB da media de comunidades (25,9%) e só superior ao de dúas comunidades autónomas de réxime común, Canarias e Madrid.
Ademais, Galicia tamén pechou o ano 2021 sendo a 3ª Comunidade Autónoma con menor endebedamento por habitante de España. A débeda por habitante sitúase na comunidade galega nos 4.353 euros fronte aos 6.626 euros da media de comunidades, co que cada galego debe hoxe 2.273 euros menos que a media autonómica.
Volume de débeda
O Banco de España ratifica ademais que Galicia é a comunidade autónoma con menor aumento de volume de débeda desde o ano 2008, exercicio no que comezou a tendencia ascendente na evolución do endebedamento no conxunto das administracións públicas de España, incluídas as comunidades autónomas.
A redución do endebedamento nos últimos exercicios fai que Galicia estea nunha mellor posición financeira para responder ás esixencias económicas derivadas dos efectos negativos do coronavirus e para poder pasar da reactivación á recuperación.
RATIO DE DÉBEDA/PIB POR CCAA
|
|
| 4ºT 2021 |
| 1 | Madrid | 14,8 |
| 2 | Navarra* | 15,2 |
| 3 | Canarias | 15,3 |
| 4 | País Vasco* | 15,6 |
| 5 | GALICIA | 18,5 |
| 6 | La Rioja | 18,9 |
| 7 | Asturias | 18,9 |
| 8 | Castilla-León | 22,2 |
| 9 | Andalucía | 23,1 |
| 10 | Aragón | 23,9 |
| 11 | Extremadura | 24,2 |
| 12 | Cantabria | 24,8 |
|
| TOTAL CCAA | 25,9 |
| 13 | Baleares | 31,3 |
| 14 | Murcia | 34,1 |
| 15 | Cataluña | 36,0 |
| 16 | Castilla-La Mancha | 36,5 |
| 17 | Comunidad Valenciana | 47,8 |
|
|
|
|
DÉBEDA POR HABITANTE
|
|
| 4ºT 2021 |
| 1 | Canarias | 2.864 |
| 2 | Asturias | 4.329 |
| 3 | Galicia | 4.353 |
| 4 | Andalucía | 4.387 |
| 5 | Extremadura | 4.780 |
| 6 | Navarra | 4.790 |
| 7 | Madrid | 5.108 |
| 8 | País Vasco | 5.130 |
| 9 | La Rioja | 5.231 |
| 10 | Castilla-León | 5.554 |
| 11 | Cantabria | 5.870 |
|
| MEDIA CC.AA. | 6.626 |
| 12 | Aragón | 6.805 |
| 13 | Murcia | 7.229 |
| 14 | Baleares | 7.385 |
| 15 | Castilla-La Mancha | 7.568 |
| 16 | Valencia | 10.655 |
| 17 | Cataluña | 10.752 |