Galicia pagou aos seus provedores nunha media de 14 días durante o ano 2023 por debaixo da media das CC.AA.

• Ademais, o período medio de pago de Galicia no mes de decembro situouse en 19,46 días, 11 dias por debaixo da media autonómica

Santiago de Compostela, 11 de marzo de 2024.- Galicia pagou aos seus provedores nunha media de 14 días durante o ano 2023, por debaixo da media das Comunidades Autónomas, que se situou en 27 días.

Ademais, segundo os datos oficiais publicados hoxe polo Ministerio de Hacienda, a Comunidade galega pechou o mes de decembro como a terceira de réxime común que pagou máis rápido as súas facturas, só por detrás de Estremadura e Canarias. 

Así, o período medio de pago rexistrado por Galicia en decembro foi de 19,46 días, 11,04 días inferior ao da media de comunidades autónomas, que se situou en 30,50. Tamén se situou máis de 10 días por debaixo do límite de 30 que establece a normativa estatal. 
  
En canto á débeda comercial, a ratio débeda/PIB de Galicia situouse ao peche do mes de decembro no 0,38%, por debaixo da media autonómica, que foi do 0,48%. A débeda comercial do conxunto de comunidades era de 6.955 millóns de euros, dos que 289 millóns – o 4,1%- corresponden a Galicia.

Período Medio de Pago – Decembro de 2023 (*CCAA réxime foral)
Extremadura	10,01		Castilla-La Mancha	25,12
Canarias	15,91		Castila León	28,83
Pais Vasco*	18,76		MEDIA CC.AA.	30,50
Galicia	19,46		Valencia	34,89
La Rioja	21,85		Madrid	42,11
Andalucía	23,93		Asturias	42,23
Cataluña	24,03		Aragón	43,66
Navarra*	24,11		Baleares	49,39
Cantabria	24,49		Murcia	56,04