O conselleiro de Facenda e Administración Pública preside a toma de posesión dos novos altos cargos do seu departamento

O conselleiro de Facenda e Administración Pública, Miguel Corgos, presidiu hoxe a toma de posesión dos novos altos cargos do seu departamento. Así, David Cabañó estréase como secretario xeral Técnico e do Tesouro. A nova Interventora xeral da Comunidade Autónoma é Almudena Chacón; Arturo López asume as tarefas de director xeral de Orzamentos e Financiamento Autonómico e Nuria Aguilar as de directora xeral de Emprego Público e Administración de Persoal. Pola súa banda, José María Barreiro é desde agora o novo director xeral de Simplificación Administrativa e do Patrimonio da Consellería de Facenda e Administración Pública.

Miguel Corgos puxo en valor o traballo do seu equipo e agradeceu a dedicación dos altos cargos, "que lles rouban horas ás súas familias polo ben de Galicia", mentres os animou a continuar pola senda empezada para acadar os ambiciosos obxectivos marcados polo novo goberno da Xunta.