Volver ao contido

Orzamentos

Galicia segue reducindo déficit no terceiro trimestre e garante que cumprirá este ano o obxectivo de estabilidade

Galicia segue reducindo déficit no terceiro trimestre e garante que cumprirá este ano o obxectivo de estabilidade

A Comunidade galega rexistra ata setembro un déficit do 1,1%, case catro décimas menos que en 2011, ano que rematou como a comunidade con menor porcentaxe

A Xunta de Galicia reitera que esta comunidade autónoma cumprirá o obxectivo de déficit público este ano, fixado no 1,5% do PIB, tras coñecerse hoxe os datos do terceiro trimestre en termos de cumprimento do obxectivo de estabilidade orzamentaria.


A Comunidade galega segue a reducir o seu déficit e rexistrou ao peche do mes de setembro o 1,1% do PIB, o que supón case catro décimas menos que no mesmo período do ano pasado, cando rematou o exercicio como a autonomía con menor porcentaxe.


Durante toda a pasada lexislatura que acaba de concluír, Galicia converteuse na comunidade de referencia no cumprimento da estabilidade orzamentaria. De feito foi una das dúas únicas que se cumpriu o obxectivo fixado polo Consejo de Política Fiscal y Financeira (CPFF) tanto en 2009 como en 2010 e a comunidade que tivo menos déficit público en 2011, cun 1,6% do PIB, menos da metade da media de autonomías, que se elevou ao 3,3%.


Isto permitiulle ter unhas contas saneadas e non ter que tomar medidas abruptas como as que lamentablemente tiveron y teñen que tomar outras comunidades autónomas. Grazas á política levada a cabo polo Executivo autonómico ao longo desta lexislatura, Galicia é hoxe unha comunidade solvente, fiable e que garante os servizos públicos.


Ademais, Galicia puido executar o seu orzamento a bo ritmo ata o 30 de setembro, e chegou ao 70% do gasto non financeiro, a segunda con mellor porcentaxe, 3,5 puntos máis que a media de comunidades autónomas a esas alturas.