CONSULTA V0002-20: Artigo 14. Sete do Decreto lexislativo 1/2011. Posibilidade de aplicar o tipo de gravame reducido na adquisición de vivendas nas parroquias que teñan a consideración de zonas pouco poboadas ou áreas rurais no caso de que a adquirente sexa unha empresa dedicada á xestión e explotación de aloxamentos.

A consultante é unha empresa dedicada á xestión e explotación de aloxamentos, e pretende adquirir unha vivenda para o seu posterior uso exclusivo de vivenda nunha localidade que se inclúe dentro das definidas como zonas pouco poboadas de Galicia.

CONSULTA
Se se pode aplicar o tipo reducido do 6% contemplado no artigo 14. Sete do Decreto lexislativo 1/2011, do 28 de xullo, polo que se aproba o texto refundido das disposicións legais da Comunidade Autónoma de Galicia en materia de tributos cedidos polo Estado.