CONSULTA V0003-19: Artigo 7. Catro do Decreto lexislativo 1/2011. Aplicación da redución pola adquisición de bens e dereitos afectos a unha actividade económica e participacións en entidades no caso de consolidación de dominio.

A consultante manifesta o seguinte: " o Decreto lexislativo 1/2011, do 28 de xullo, polo que se aproba o texto refundido das disposicións legais da comunidade autónoma de Galicia en materia de tributos cedidos polo Estado, prevé no artigo 7.Catro que: "Nos casos nos que na base impoñible dunha adquisición mortis causa estivese incluído o valor dunha empresa individual ou dun negocio profesional, ou de participacións en entidades ou de dereitos de usufruto sobre os mesmos, practicarase unha redución do 99%." Con todo, non fai alusión aos dereitos económicos derivados da extinción do usufruto dos mesmos."

CONSULTA
A consultante desexa coñecer se a redución prevista no artigo 7.Catro do texto refundido das disposicións legais da Comunidade Autónoma de Galicia en materia de tributos cedidos polo Estado, aprobado polo Decreto lexislativo 1/2011, do 28 de xullo, é aplicable na consolidación de dominio do valor dunha empresa individual, negocio profesional ou participacións en entidades.