CONSULTA V0002-23: Artigo 8. Catro do Decreto lexislativo 1/2011. Posibilidade de aplicar a redución do 99% á transmisión parcial dun negocio de farmacia mediante pacto sucesorio ou doazón.

A consultante, maior de 65 anos, é titular dunha oficina de farmacia en Galicia dende o ano 1991. Ten intención de transmitir mediante pacto sucesorio ou doazón un 66% da mesma a dous fillos, constituíndo una sociedade civil para a explotación da mesma, de maneira que a porcentaxe de participación de cada un alcanzaría un 33%. Na sociedade civil ostentarán a representación e administración os tres de xeito solidario, sen ningún tipo de retribución
específico por este concepto. Actualmente a actividade exércese de maneira habitual, persoal e directa pola consultante e constitúe a súa principal fonte de renda.

CONSULTA
Posibilidade de aplicar a redución do 99% no valor da oficina de farmacia previsto no artigo 8 do Decreto lexislativo 1/2011, do 28 de xullo, á transmisión parcial do negocio atendendo aos datos expostos.